بطريقك

كيف بيشتغل

1. دوّر على مسافر اكتب من وين ولوين، وشوف مين مسافر بهالتاريخ وشو بيقبل يحمل.
2. اتفقوا بالشات ابعت طلبك بالأغراض والكميات، ولمّا يقبل بينفتح الشات وبتتفقوا على التفاصيل.
3. تسليم يد بيد بتسلّمه الغرض، وبيسلّمه لأهلك هناك. وبعد الرحلة بتقيّمه.

ليش آمن

• توثيق بالهوية. المسافر بيقدر يوثّق حسابه بجواز سفره، وبتشوف شارة التوثيق على ملفه قبل ما تتعامل معه.
• تقييمات بعدد. التقييم دايماً بيجي مع عدد المقيّمين وعدد الرحلات المكتملة — مو رقم لحاله.
• عنوانك محمي. رقم البيت ما بينعرض لحدا أبداً، ورقم موبايلك ما بينشاف من المستخدمين التانيين.
• مواد ممنوعة واضحة. في سياسة بتقرأها قبل ما تسجّل، وكل حساب لازم يوافق عليها.
• إبلاغ ومتابعة. فيك تبلّغ عن أي مستخدم أو رحلة، وفي فريق بيراجع ويحذّر ويوقف الحسابات.
• ما منلمس المصاري. ما في دفع ولا عمولة ولا محفظة داخل التطبيق — الاتفاق بينك وبين المسافر.

شرح بالفيديو

مين احنا

احنا تلات شباب سوريين عايشين بألمانيا. عملنا بطريقك لأننا عشنا نفس المشكلة — غرض صغير لازم يوصل، وشركة شحن بدها أكتر من تمنه وتلت أسابيع. المنصة جديدة، ومنبنيها خطوة خطوة مع الناس اللي بتستعملها. إذا صادفك شي غلط أو عندك اقتراح، اكتبلنا — منقرأ كل رسالة.

تابعنا